முயற்சிகளே பயிற்சிகள்.

முயற்சிகளே பயிற்சிகள் !

இறைவனொருவன் இருக்கிறான்,

எல்லாமவனே பார்க்கிறான்,

என்றே வீணே  இருந்திட்டால்;

எந்தப் பருப்பும் வேகாதே.

உணவையுங்கூட  ஊட்டுதற்கு

ஒருவரைத்தேட முயன்றிடனும்.

கனவையுங்கூட காண்பதற்கு

கண்ணுறங்க  முயன்றிடனும்.

செத்துக்கிடந்த எலியையும்

சில்லறையாக்கிய கதையுண்டு=

சில்லறைக் காசுகள்  கட்டாகும்

கட்டுகளுயர்ந்தால்  கனவான்  நீயாகும்..!

செத்த எலியையும் விடவில்லை

விற்றானொரு பூனைக்காரனுக்கு..

விற்றகாசினை வீண்செய்யாமல்

வைக்கோலாக்கி மீண்டும்  விற்றான்..

விற்று  விற்று  வியாபாரியானான்..

வளர்ந்து வளர்ந்து அதிபரமானான்..

முயற்சிகள்தானே பயிற்சிகளாகும்.

பயிற்சிகள்தானே திருவினையாகும்..

கவிஞர். கொ. பெ. பிச்சையா.